patay-sindi

patay-sindi.

bukas-sara.

ang ilaw na paulit-ulit na sinisindihan at pinapatay ay madaling masira.

ang pintuang paulit-ulit na bibuksan at isinasara'y maingay-nakakarindi.

may mga bagay na may limitasyon,

may mga bagay na di mo maikakahon.

darating at darating din ang panahong magsasawa ka sa mga bagay na nasa paligid mo.

kung sa rubberband pa, na-abot mo na ang iyong elastic limit at mapipigtal ka na.

kung ang ilaw ay patay-sindi nang patay-sindi,

at ang pintuan ay bukas-sara nang bukas-sara,

magtitiis ka pa ba kahit ubos na ang iyong pasensiya?